Rusiyanın Ussuriysk şəhərində miqrantlara qarşı yoxlama əməliyyatı keçirilib.
Crossmedia.az-ın xarici mediaya istinadən yaydığı məlumata görə, əməliyyatın məqsədi hərbi qeydiyyata durmayan şəxsləri müəyyən etmək olub.Hərbi istintaqçılar və hərbi komendantlıq əməkdaşları 14 şəxsi yoxlayıb. Onlardan üç nəfəri artıq Rusiya vətəndaşlığı almış olmasına baxmayaraq, hərbi qeydiyyata durmayıblar.
Bu şəxslər hərbi komissarlığa aparılıb və inzibati məsuliyyətə cəlb ediliblər.
Əməliyyat Rusiyada hərbi qeydiyyat qaydalarının tətbiqi və miqrantların nəzarətdə saxlanılması istiqamətində davam edən tədbirlərin bir hissəsi kimi qiymətləndirilir.
