Böyük Britaniyanın Xarici İşlər Nazirliyi təhlükəsizlik risklərinin artması və regionda davam edən gərginliklər fonunda britaniyalı vətəndaşlara İraqa səfərlə bağlı rəsmi xəbərdarlıq yayıb.
Crossmedia.az bu barədə xarici mediaya istinadən xəbər verir.
XİN-in açıqlamasında bildirilib ki, Böyük Britaniya vətəndaşlarına Bağdad şəhərinə, eləcə də İraq ərazisində İran, Küveyt və Səudiyyə Ərəbistanı ilə sərhədlərə beş kilometr məsafədə yerləşən bölgələrə səfər etməmək tövsiyə olunur.
Nazirlik qeyd edib ki, mövcud şəraitdə bu ərazilərdə təhlükəsizlik vəziyyəti sürətlə dəyişə bilər və xarici vətəndaşlar üçün risklər yüksək olaraq qalır. Britaniya hökuməti vətəndaşlarına yalnız zəruri hallarda və rəsmi tövsiyələri diqqətlə izləməklə hərəkət etməyi məsləhət görüb.
