Ermənistandan gözlənilməz mesaj: Müharibənin günahkarı Rusiyadır
Erməni iş adamı Qor Amatuni Azərbaycanla Ermənistan arasında sülhə çağırış edib.
Crossmedia.az xarici KİV-ə istinadən xəbər verir ki, o regiondakı münaqişələrdə Rusiyanın roluna diqqət çəkib.
O, yayımladığı video müraciətdə bildirib ki, iki ölkə arasında baş verən müharibənin əsas günahkarı Moskvanın siyasətidir.
Amatuni qeyd edib ki, Rusiya Cənubi Qafqazda gərginliyi qızışdırmaqda maraqlıdır və bu siyasət region xalqlarını uzunmüddətli risklərlə üz-üzə qoyur.
Onun sözlərinə görə, Moskva daha da irəli gedərsə, həm azərbaycanlılar, həm də ermənilər eyni təhlükəli vəziyyətdə qalacaqlar.
Erməni iş adamı vurğulayıb ki, regionun gələcəyi yalnız qarşılıqlı anlaşma və sülh yolu ilə təmin oluna bilər.
O, xalqları xarici təsirlərdən uzaq durmağa və münaqişələrin həllində dialoqa üstünlük verməyə çağırıb.
21:01 23.01.2026
Oxunuş sayı: 682
