İran prokurorluğundan Trampa sərt reaksiya: Belə bir edam siyahısı olmayıb
İranın baş prokuroru Məhəmməd Movəhhedi Azad ABŞ prezidenti Donald Trampın İranda 800 nəfərin edam olunmasının qarşısını aldığına dair açıqlamasını təkzib edib.
Crossmedia.az xarici mediaya istinadən xəbər verir.
O bildirib ki, Trampın səsləndirdiyi iddialar reallığı əks etdirmir və bu rəqəmlə bağlı heç bir rəsmi qərar mövcud olmayıb.
Baş prokurorun sözlərinə görə, İranın məhkəmə-ədliyyə sistemi müstəqildir və xarici tərəflərin təsiri ilə hərəkət etmir.
Movəhhedi Azad vurğulayıb ki, nə 800 nəfərin edamı ilə bağlı plan olub, nə də belə bir qərar qəbul edilib.
Xatırladaq ki, Donald Tramp daha əvvəl İran hakimiyyətinin 800-dən çox etirazçını edam etməyə hazırlaşdığını iddia etmiş və bu barədə verdiyi açıqlamaların edamların qarşısını aldığını bildirmişdi.
19:36 23.01.2026
Oxunuş sayı: 463
