Azərbaycan–Ermənistan müharibəsinə dair etiraf: Səbəbkar Rusiyadır
Erməni iş adamı Qor Amatuni sülh çağırışı ilə çıxış edərək Azərbaycan və Ermənistan arasında baş verən müharibənin əsas səbəbkarı kimi Rusiyanı göstərib.
Crossmedia.az bu barədə xarici mediaya istinadən xəbər verir.
Amatuni yayımladığı videomüraciətdə regionda davamlı qarşıdurmanın xarici təsirlərlə qızışdırıldığını bildirib. Onun sözlərinə görə, Moskvanın siyasəti Cənubi Qafqazda gərginliyin dərinləşməsinə səbəb olub və bu proses iki xalq üçün ağır nəticələr doğurub.
Erməni iş adamı eyni zamanda Rusiyadan gələn mümkün təhdidlərə də işarə edərək, Moskvanın regionda daha da irəli gedə biləcəyi ehtimalını istisna etməyib. O vurğulayıb ki, belə bir ssenari baş verərsə, Azərbaycan və Ermənistan xalqları yenidən eyni səngərdə qalmaq məcburiyyətində qala bilər.
Amatuninin açıqlamaları sosial şəbəkələrdə geniş rezonans doğurub və regionda sülh çağırışlarının artdığı bir dövrdə diqqət çəkən mövqelərdən biri kimi dəyərləndirilib.
15:31 23.01.2026
Oxunuş sayı: 564
