Putinin sülh platformasında iştirakı sual altındadır
Böyük Britaniyanın Baş naziri Keir Starmer Rusiya Prezidenti Vladimir Putinin “Sülh Şurası”nda mümkün iştirakı ilə bağlı narahatlığını ifadə edib.
Crossmedia.az bu barədə xarici mediaya istinadən xəbər verir.
Starmer bildirib ki, Putin hazırda Avropa ölkəsinə qarşı müharibə aparır və Ukraynaya bombalar yağdırır. Onun sözlərinə görə, bu şəraitdə Rusiyanın liderinin sülh təşəbbüslərində yer alması ciddi suallar doğurur.
Britaniya Baş naziri vurğulayıb ki, müharibənin nəticələri dinc əhaliyə ağır təsir göstərir: “İnsanlar isinmək üçün qonaq otaqlarında çadırlar qurmağa məcbur qalırlar”.
Starmerin bu açıqlaması Qərb ölkələrində Putinin beynəlxalq platformalarda roluna dair artan tənqidlərin fonunda səslənib.
13:45 23.01.2026
Oxunuş sayı: 664
