Gürcüstan Azərbaycan–Ermənistan münasibətlərinin bərpasını alqışlayıb
Gürcüstanın Baş naziri İrakli Kobaxidze Azərbaycan və Ermənistan arasında münasibətlərin normallaşmasını və ticarət-iqtisadi əlaqələrin inkişafını müsbət qiymətləndirib.
Crossmedia.az bu barədə xarici mediaya istinadən xəbər verir.
Kobaxidze bildirib ki, Gürcüstan regionda sülhün və sabitliyin möhkəmlənməsində maraqlıdır və Bakı ilə İrəvan arasında dialoqun bərpası Cənubi Qafqaz üçün mühüm əhəmiyyət daşıyır. Onun sözlərinə görə, münasibətlərin normallaşması regional əməkdaşlıq imkanlarını genişləndirəcək, iqtisadi əlaqələrin canlanmasına və qarşılıqlı etimadın artmasına töhfə verəcək.
Baş nazir vurğulayıb ki, Gürcüstan bundan sonra da regionda sülh təşəbbüslərini dəstəkləməyə və konstruktiv əməkdaşlıq platformalarının inkişafına töhfə verməyə hazırdır.
12:51 23.01.2026
Oxunuş sayı: 466
