ABŞ Mərkəzi Komandanlığı (CENTCOM) İŞİD üzvlərinin Suriyanın şimal-şərqindən İraqa köçürülməsi məqsədilə xüsusi missiyaya start verib.
Crossmedia.az bu barədə xarici mediaya istinadən xəbər verir.
Məlumata görə, əməliyyat 21 yanvar tarixində başlayıb. İlk mərhələdə Haseke bölgəsindən 150 İŞİD döyüşçüsü təhlükəsizlik tədbirləri altında İraqa köçürülüb.
ABŞ hərbi mənbələrinin bildirdiyinə görə, proses mərhələli şəkildə davam etdiriləcək və yekunda 7 minədək məhbusun İraqın nəzarətində olan həbsxanalara təhvil verilməsi mümkün ola bilər.
Analitiklər bu addımı regionda təhlükəsizlik risklərinin azaldılması və Suriyada saxlanılan İŞİD üzvlərinin taleyi ilə bağlı uzun müddətdir davam edən problemlərin həlli istiqamətində atılan mühüm addım kimi qiymətləndirirlər. ABŞ və İraq rəsmiləri əməliyyatın təhlükəsizlik standartlarına uyğun şəkildə həyata keçirildiyini bildiriblər.
