Trampın növbəti hədəfi bu ölkə ola bilər
ABŞ Prezidenti Donald Trampın administrasiyası Kubada mövcud hakimiyyəti devirmək məqsədilə hökumət daxilində nüfuzlu şəxslər axtarır.
Crossmedia.az xəbər verir ki, bu barədə "The Wall Street Journal" nəşri mənbələrə istinadən məlumat yayıb.
Məlumata görə, Vaşinqton bu planlar çərçivəsində Kuba hakimiyyətində qərarverici mövqelərə malik şəxslərlə əlaqə qurmağa və daxili parçalanma yaratmağa çalışır. ABŞ administrasiyasının məqsədi Havananın siyasi kursunu dəyişmək və ölkədə hakimiyyət dəyişikliyinə nail olmaqdır.
WSJ yazır ki, Tramp administrasiyası sözügedən planları 2026-cı ilin sonuna qədər həyata keçirməyi hədəfləyir. Lakin planın konkret mexanizmləri və istifadə ediləcək vasitələr barədə ətraflı məlumat açıqlanmır.
Qeyd edək ki, ABŞ–Kuba münasibətləri uzun illərdir gərgin olaraq qalır və bu iddialar iki ölkə arasında diplomatik gərginliyin daha da artacağı ehtimalını gücləndirir. Kuba tərəfi isə hələlik yayılan məlumatlara rəsmi münasibət bildirməyib.
13:26 22.01.2026
Oxunuş sayı: 894
