Sabiq baş naziri qətlə yetirən şəxs ömürlük həbs olunub
Yaponiyada məhkəmə sabiq baş nazir Şinzо Abeni 2022-ci ildə seçki tədbirində atəş açaraq öldürən Tetsui Yamagamiyi ömürlük həbs cəzasına məhkum edib. 45 yaşlı Yamagami hadisə zamanı əl istehsalı tüfəngdən iki dəfə atəş açaraq Abeni vurmuş, baş nazir xəstəxanada aldığı xəsarətlərdən dünyasını dəyişmişdi. Məhkəmədə Yamagami günahını qəbul edib.
Crossmedia.az bu barədə xarici mediaya istinadən xəbər verir. Hakim Shinichi Tanaka qərarda Yamagaminin hərəkətlərini “məkrli və son dərəcə qəddar” adlandırıb və vurğulayıb ki, hadisənin çoxsaylı insanların iştirakı ilə baş verməsi digər hallardan daha ciddi qiymətləndirilir. Yamagaminin vəkilləri onun 20 ildən artıq olmayan cəza almasını istəsələr də, iddia ediblər ki, Yamagami “dini zorakılığın” və “tragediya ilə dolu tərbiyənin” qurbanı olub. Onun ailəsi, Yamagaminin anasının 100 milyon yen (təxminən 600 min dollar) ianə edərək Birləşmiş Kilsəyə verdikdən sonra iflas edib.
Yamagami iddia edib ki, o, 2021-ci ildə sabiq baş nazirin kilsə ilə bağlı tədbirdə etdiyi çıxışını gördükdən sonra Abeni “Yaponiyada Birləşmiş Kilsənin siyasi fəaliyyətinin mərkəzində” hesab edib. Lakin prokurorlar qeyd ediblər ki, Yamagaminin həyat şəraiti onun hərəkətlərinə çox məhdud təsir göstərib və ömürlük həbs cəzası tələb ediblər. Məhkəmə bu tələbə razılıq verib.
Şinzо Abe 2006–2007 və 2012–2020-ci illərdə Yaponiya baş naziri olub və bu, ölkə tarixində ən uzun müddətli hökumət rəhbərliyi olub.
Sevinc Yarməmmədova
16:36 21.01.2026
Oxunuş sayı: 1206
