Paşinyan: Zayed mükafatı Əliyevlə birgə qazandığımız nailiyyətdir
“Zayed İnsan Qardaşlığı Mükafatı”nı Azərbaycan Prezidenti İlham Əliyevlə birgə paylaşır və bu mükafatı “layiqli və ortaq nailiyyət” kimi qiymətləndirirəm.
Crossmedia.az xəbər verir ki, bu barədə Ermənistanın Baş Naziri Nikol Paşinyan bildirib.
Paşinyan bunu mükafat komitəsinin üzvləri ilə keçirilən görüş zamanı deyib.
Görüş çərçivəsində ona fevralın 4-də Birləşmiş Ərəb Əmirliklərinin paytaxtı Əbu-Dabidə keçiriləcək rəsmi mükafatlandırma mərasiminə dəvət təqdim olunub.
Xatırladaq ki, daha əvvəl Şeyx Zayed Fondu Azərbaycan və Ermənistan liderlərinin “Azərbaycan və Ermənistan arasında sülhün və dövlətlərarası münasibətlərin qurulması haqqında Saziş” üzrə əldə olunan razılaşmaya verdikləri töhfəni yüksək qiymətləndirərək, onları “Zayed İnsan Qardaşlığı Mükafatı”na layiq görüb. Fondun açıqlamasında bu addımın Cənubi Qafqazda gərginliyin azaldılması və qarşılıqlı etimadın möhkəmləndirilməsi baxımından mühüm əhəmiyyət daşıdığı vurğulanıb.
21:05 20.01.2026
Oxunuş sayı: 1160
