Trampın planı çərçivəsində Ukrayna və ABŞ liderləri strateji danışıqlara başlayır
ABŞ-də keçirilən danışıqlarda Ukrayna və Amerika nümayəndə heyətləri Trampın sülh planı çərçivəsində iqtisadi inkişaf, Ukraynanın rifahı və təhlükəsizlik zəmanətlərini müzakirə ediblər.
Crossmedia.az xəbər verir ki, bu barədə Ukrayna Milli Təhlükəsizlik və Müdafiə Şurasının katibi Rüstəm Umerov açıqlama verib.
Tərəflər 19-23 yanvar tarixlərində İsveçrənin Davos şəhərində keçiriləcək Dünya İqtisadi Forumunda (DİF 2026) komanda səviyyəsində danışıqları davam etdirəcəklər.
56-cı forum “Dialoq Ruhu” mövzusu altında təşkil olunacaq və burada biznes, siyasət və vətəndaş cəmiyyəti liderləri qlobal məsələləri müzakirə etmək üçün bir araya gələcək.
Forumda bütün dünyadan 3000-dən artıq liderin iştirak etməsi gözlənilir.
18:35 19.01.2026
Oxunuş sayı: 1233
