Dəməşqdən kritik xəritə: SDQ ilə razılaşmadan sonra yeni nəzarət zonaları açıqlandı
Suriya Demokratik Qüvvələri (SDQ) ilə əldə olunan razılaşmadan sonra ölkədə hazırda nəzarətdə olan əraziləri və hərbi yerləşdirmə prosesinin hələ davam etdiyi bölgələri əks etdirən rəsmi xəritə yayımlanıb.
Crossmedia.az xəbər verir ki, bu barədə Suriya Müdafiə Nazirliyi məlumat yayıb.
Nazirliyin məlumatına görə, xəritədə Suriya ordusunun tam nəzarətə götürdüyü ərazilərlə yanaşı, mərhələli şəkildə yerləşdirmənin davam etdiyi zonalar da göstərilir.
Bu proses SDQ ilə razılaşma çərçivəsində həyata keçirilir.
Bildirilib ki, kürd icmalarının yaşadığı ərazilərdə gələcək idarəetmə mexanizmləri ilə bağlı detallar hələlik razılaşdırılmayıb.
Bu məsələ əlavə siyasi və təhlükəsizlik danışıqlarının mövzusu olacaq.
Rəsmi Dəməşq vurğulayır ki, məqsəd ölkənin ərazi bütövlüyünün bərpası və mərkəzi hakimiyyətin bütün regionlarda mərhələli şəkildə təmin edilməsidir.
18:00 19.01.2026
Oxunuş sayı: 966
