İranın xarici işlər naziri Davos Forumunda iştirak etməyəcək
İranın xarici işlər naziri Abbas Əraqçi bu il Beynəlxalq İqtisadi Forumun Davosda keçirilən toplantısında iştirak etməyəcək.
Crossmedia.az bu barədə xarici mediaya istinadən xəbər verir.
Forumun sosial şəbəkə səhifəsində yayılan açıqlamada bildirilir ki, Əraqçi ötən ilin payızında Davos Forumuna dəvət olunsa da, son həftələrdə İranda baş verən və mülki əhali arasında çoxsaylı itkilərlə nəticələnən hadisələr fonunda İran hökuməti nümayəndələrinin builki tədbirdə iştirakı məqsədəuyğun hesab edilməyib.
Açıqlamada vurğulanıb ki, mövcud vəziyyət nəzərə alınaraq İranın yüksək səviyyəli rəsmilərinin Davos Forumunda təmsil olunması uyğun sayılmayıb. Bu qərar beynəlxalq ictimaiyyətdə də diqqət çəkib və müzakirələrə səbəb olub.
16:24 19.01.2026
Oxunuş sayı: 1163
