Xiaomi iki smartfon üçün dəstəyi dayandırdı
Xiaomi Redmi 12C və onun beynəlxalq versiyası Poco C55 üçün proqram təminatı dəstəyi rəsmi olaraq dayandırılıb.
Crossmedia.az bu barədə xarici KİV-ə istinadən xəbər verir.
Məlumata görə, son yeniləmə 2025-ci ilin oktyabrında təhlükəsizlik yaması olub. İstehsalçı noyabr və dekabr aylarında HyperOS 2 yeniləməsini təqdim etməyib.
Xiaomi-nin yol xəritəsinə görə, hər iki cihaz 2026-cı ilin fevralında EOL (həyatının sonu) statusuna çatacaq. Dəstəyin dayandırılması rəsmi proqram təminatı və təhlükəsizlik yeniləmələrinin tam dayandırılması deməkdir ki, bu da istifadəçilərin təhlükəsizliyinə və cihazın işləməsinə təsir göstərə bilər.
HyperOS 2023-cü ilin oktyabrında təqdim edilib və Xiaomi ekosistemindəki smartfonlar, smart saatlar, televizorlar və digər cihazları gücləndirir.
Nəzrin Abbas
17:48 06.12.2025
Oxunuş sayı: 826
