Bu il üzrə dövlət informasiya resurslarına haker hücumlarının sayı açıqlanıb
Bu ilin yanvar-iyun aylarında Azərbaycanda dövlət informasiya resurslarının 6200-dən çox istifadəçisi hakerlərin qurbanına çevrilib.
Crossmedia.az xəbər verir ki, bunu Dövlət Qurumlarının İT rəhbərlərinin VI Zirvə Toplantısında Xüsusi Rabitə və İnformasiya Təhlükəsizliyi Dövlət Xidmətinin İdarə rəisi Tural Məmmədov deyib.
“Ən çox haker hücumu Dövlət İmtahan Mərkəzi (2406), İnnovasiya və Rəqəmsal İnkişaf Agentliyi (2101), Dövlər Vergi Xidməti (692), Daxili İşlər Nazirliyi (341), Dövlət Miqrasiya Xidmətində (216) qeydə alınıb”, - deyə T.Məmmədov əlavə edib.
O bildirib ki, ilin ilk 6 ayında 47 dövlət qurumunun 95 əməkdaşı kibergigiyena qaydalarına riayət etmədiyinə görə haker hücumlarının qurbanına çevrilib: “Onların da 16%-i admin səlahiyyətli əməkdaşlar olub”.
10:44 05.09.2025
Oxunuş sayı: 1895
