Ekspert: Kiberhücumlarla mübarizədə beynəlxalq əməkdaşlıq vacibdir
İnformasiya və texnologiya əsrində yaşamağın mənfi tərəfləri təəssüf ki, müsbət tərəfləri üstələyə bilmir. Kibercinayətlər, saxta domenlər günümüz üçün böyük və real təhlükələrdir. Nəinki cəmiyyət hətta dövlət səviyyəli problemdir. Belə ki, bu ilin avqust ayında Azərbaycanda 39 kiberhücum indikatoru müəyyən edilməsi ilə bağlı məlumat yayılıb. Dövlət orqanlarımız tərəfindən bu əməliyyatların qarşısı alınıb və uöurlu olmayıblar. Bəs uğurlu olarlarsa hansı problemlər yarana bilər? Bu hücumların qarşısını almaq üçün hansı əlavə zəruri tədbirlər görülməlidir?
Mövzu ilə bağlı informasiya və kommunikasiya mütəxəssisi Elvin Abbasov Crossmedia.az-a açıqlama verib:
“Avqustda Azərbaycanda dövlət qurumlarını hədəfləyən iki saxta domen bloklanıb və ilin eyni dövründə 39 kiberhücum indikatoru müəyyən edilib. Belə hücumlar uğurlu olarsa, dövlət qurumlarının informasiya resurslarının sızması, rəsmi məlumatların dəyişdirilməsi, vətəndaş məlumatlarının ələ keçirilməsi və kritik infrastrukturun fəaliyyətinin pozulması kimi ciddi problemlər yarana bilər. Bu isə dövlətə qarşı etimadın azalması riskini də artırır. Hücumların qarşısını almaq üçün əsas tədbirlər texniki müdafiə mexanizmlərinin tətbiqi, real vaxt monitorinqi və milli CERT-in fəaliyyətinin gücləndirilməsi, həmçinin dövlət qulluqçularının fişinq və sosial mühəndislik hücumlarına qarşı davamlı maarifləndirilməsidir. Beynəlxalq əməkdaşlıq da vacibdir, çünki bu cür hücumlar adətən transsərhəd xarakter daşıyır və yalnız koordinasiya ilə effektiv şəkildə qarşısı alına bilər”.
Ayhan
20:33 04.09.2025
Oxunuş sayı: 5497
