Bakıda bəzi yollar müvəqqəti olaraq nəqliyyatın hərəkəti üçün qismən məhdudlaşdırılacaq

30 avqust saat 22:00-dan etibarən Azadlıq prospektindən Neftçilər prospektinə çıxış "Formula 1" yarışları bitənədək nəqliyyatın hərəkəti üçün məhdudlaşdırılacaq.
Crossmedia.az xəbər verir ki, məhdudiyyətlər 19-21 sentyabr
tarixlərində keçiriləcək “Formula 1” Qatar Airways Azərbaycan Qran-Prisi 2025-ə
hazırlıq çərçivəsində şəhərin mərkəzi küçə və prospektlərində aparılan
quraşdırma və infrastruktur işləri ilə bağlıdır. Qeyd edək ki, məhdudiyyətlər mərhələli
şəkildə tətbiq ediləcək və yarış ərəfəsində digər küçə və prospektlərdə də müəyyən
dəyişikliklər olacaq.
Sürücülərdən hərəkət zamanı alternativ marşrutlardan istifadə
etmələrini xahiş olunur.
Bakı Şəhər Halqası yaranmış vəziyyətə görə şəhər sakinlərinin
göstərdiyi anlayışa görə öncədən təşəkkürünü bildirir.
18:51 30.08.2025
Oxunuş sayı: 1363