14 yaşlı azərbaycanlı gənc yeni sosial şəbəkə yaratdı — REAX istifadəyə verildi
Azərbaycanlı 14 yaşlı inkişafçı Xalid Mahmudov yeni sosial şəbəkə platforması — REAX-ı istifadəyə verib. Layihə Renaex Technologies tərəfindən hazırlanıb və hazırda Google Play Store və veb-brauzerlər üçün reax.space ünvanında əlçatandır.
REAX istifadəçilərə post və foto paylaşmaq, dostlarla ünsiyyət qurmaq, şərh və reaksiyalar bildirmək, qısa videolara baxmaq, süni intellekt köməkçisi ilə paylaşımlar yaratmaq kimi imkanlar təqdim edir. Platforma həmçinin tədbirlər və qruplar qurmaq, ailə ağacı formalaşdırmaq, bloq və məqalələr yazmaq, biznes səhifələri açmaq və onlayn oyunlar oynamaq funksiyalarını özündə birləşdirir.
Crossmedia.az xəbər verir ki, platformanın ən mühüm özəlliyi tamamilə pulsuz olmasıdır. REAX freemium modelindən imtina edərək, bütün funksiyaları hər kəsə açıq şəkildə təqdim edir.
Müəllif Xalid Mahmudov bildirib ki, sosial şəbəkənin bütün imkanları güvənlik və məxfilik prinsipləri nəzərə alınaraq hazırlanıb. İstifadəçilər paylaşımlarının kimlərə görünəcəyini "ictimai, gizli, dostlar və ya sadəcə mən" seçimləri ilə tənzimləyə bilirlər.
Platformada həmçinin “trendlər” bölməsi, tanıya biləcəyiniz insanlar siyahısı və tövsiyə olunan qruplar da mövcuddur.
10:12 24.08.2025
Oxunuş sayı: 65731
