Süni intellekt, həqiqətən təhlükəlidirmi?
Süni intellektin (Sİ) sürətlə inkişaf etməsi bir tərəfdən gündəlik həyatı asanlaşdırsa da, digər tərəfdən insanlıq üçün potensial təhlükə yaradıb-yaratmayacağı ilə bağlı suallar doğurur. Lakin bir çox beynəlxalq mütəxəssis bu qorxuların bəzən həddindən artıq şişirdildiyini bildirir.
Crossmedia.az xəbər verir ki, bu barədə “Haber Global” məlumat yayıb.
Süni intellekt gündəlik həyatımızda artıq var
Aparılan beynəlxalq araşdırmalara görə, istifadəçilərin 80 faizindən çoxu artıq süni intellekt texnologiyalarından yararlanır. Onlar bu texnologiyanın işlərini asanlaşdırdığını və vaxt qənaəti yaratdığını qeyd edirlər. Bununla belə, gizlilik, məlumat təhlükəsizliyi və etik məsələlərlə bağlı narahatlıqlar davam edir.
Qiyamət ssenariləri realdırmı?
Bəzi alimlər süni intellektin idarədən çıxacağı və insanlıq üçün təhlükəyə çevriləcəyi barədə xəbərdarlıq etsələr də, bir çox mütəxəssis bu ehtimalın yaxın gələcəkdə reallaşmasının mümkün olmadığını vurğulayır. Harvard Business Revieş-un araşdırmasına əsasən, süni intellektin insan zəkanısını keçməsi hələ ki real deyil.
Faydaları göz qabağındadır
Süni intellekt tibbi diaqnostika, təhsil, sənaye və nəqliyyat kimi sahələrdə inqilabi dəyişikliklərə səbəb olub. Ən çox istifadə edilən sahələr arasında chatbotlar, ağıllı köməkçilər, avtomatlaşdırılmış analiz və süni intellektlə dəstəklənən mətn yazılış proqramları var.
Risklər nələrdir?
MIT tədqiqatçıları uzunmüddətli süni intellekt istifadəsinin insanın tənqidi düşünmə qabiliyyətini zəiflədə biləcəyini bildirirlər. Digər narahatlıqlar arasında iş yerlərinin əvəzlənməsi, qərarvermədə süni intellektin nəzarətsiz rolu və məlumatların sui-istifadəsi riski yer alır.
Nəticə: Düzgün idarəetmə ilə təhlükə deyil
Ekspertlər hesab edir ki, süni intellektin riskləri nəzarət altına alınarsa, bu texnologiya insanlıq üçün böyük fürsətlər aça bilər. Etik prinsiplər, şəffaflıq, hüquqi tənzimləmələr və ictimai maarifləndirmə süni intellektin təhlükəsiz və faydalı şəkildə istifadə olunmasının əsas şərtləri kimi göstərilir.
Nigar Rəhimova
22:35 25.07.2025
Oxunuş sayı: 8313
