Azərbaycan tütün istehsalını və idxalını artırıb
Cari ilin yanvar-iyun aylarında Azərbaycana xarici ölkələrdən 56,765 milyon ABŞ dolları dəyərində tütün və tütün məmulatları idxal edilib.
Crossmedia.az bu barədə Dövlət Gömrük Komitəsindən məlumat əldə edib.
Məlumata görə, tütün idxalına çəkilən xərc ötən ilin eyni dövrü ilə müqayisədə 2,411 milyon ABŞ dolları, yaxud da 4,4% çoxdur.
Belə ki, 2024-cü ilin ilk altı ayında Azərbaycana xarici ölkələrdən 54,354 milyon ABŞ dolları dəyərində tütün və tütün məmulatları idxal edilmişdi.
Bununla yanaşı, hesabat dövründə Azərbaycanda 467,3 milyon manat dəyərində tütün məmulatları istehsal edilib. Tütün məmulatlarının istehsalı illik müqayisədə 122,9 milyon manat və ya 35,7% çoxdur.
Ötən ilin yanvar-iyun aylarında ölkədə 344,4 milyon manat dəyərində tütün məlumatları istehsal edilmişdi.
16:12 19.07.2025
Oxunuş sayı: 603
