Depressiya riski ən yüksək olan peşələr açıqlandı: Qadınlar daha çox təsirlənir
ABŞ-da aparılan genişmiqyaslı bir araşdırma nəticəsində depressiya riski ən yüksək olan peşələr müəyyən edilib. 2015–2019-cu illər arasında 37 ştatda 536 mindən çox işçi ilə keçirilən sorğunun nəticələrinə əsasən, qadınlar kişilərlə müqayisədə psixoloji təsirlərə daha çox məruz qalır.
Crossmedia.az xəbər verir ki, Bu barədə CNN Türk məlumat verib.
Əldə edilən məlumatlara görə, depressiyanın ən çox müşahidə olunduğu sahə *sosial xidmətlər* olub. Bu sahədə çalışanların *20,5%-i* həyatlarında ən az bir dəfə depressiya diaqnozu alıb. İkinci sırada isə *yemək hazırlama və servis sahəsində* çalışanlar gəlir – *20,1%*.
*Digər riskli sahələr:*
- İncəsənət, əyləncə, media və idman – *18,6%*
- Qonaqpərvərlik və yemək xidmətləri – *18,4%*
- Sağlamlıq və sosial yardım – *18,2%*
- Pərakəndə ticarət – *17,7%*
- Hüquq, təhsil və kitabxana işləri – *16,1%*
Ən az depressiya müşahidə olunan sahələr isə bunlardır:
- Mədənçilik – *6,7%*
- Tikinti – *8,9%*
- Kənd təsərrüfatı və mühəndislik – *9%*
Tədqiqatçılar xəbərdarlıq ediblər ki, bu sahələrdə depressiya faizi aşağı olsa da, intihar hallarının ən çox müşahidə olunduğu sahələr* arasında yer alır. Bu isə ruh sağlamlığı problemlərinin çox zaman diaqnoz qoyulmadan nəticələnə biləcəyini göstərir.
Nigar Rəhimova
17:06 10.06.2025
Oxunuş sayı: 1165
