Alimlər “MDB-nin mədəniyyət paytaxtı-2025” həsr olunmuş tədbirlərdə çıxış ediblər
02-03 iyun 2025-ci il tarixlərində Coğrafiya İnstitutunun baş direktor vəzifəsini icra edən c.ü.f.d., Zaur İmrani və elmi katib c.ü.f.d., dosent Səidə Zeynalova Laçın şəhərində “MDB-nin mədəniyyət paytaxtı-02025” ilinə həsr olunmuş tədbirdə iştirak ediblər.
Crossmedia.az xəbər verir ki , tədbirin ilk günü MDB ölkələrindən gələn incəsənət xadimlərinin konsert proqramı, rəsm qalereyası, milli rəqsləri nümayiş etdirilib. İkinci gün MDB ölkələri (Rusiya, Qazaxıstan, Özbəkistan, Tacikistan) alimlərinin elmi məruzələri dinlənilib. Tədbiri giriş sözü ilə açan AMEA-nın prezidenti akademik İsa Həbibbəyli Qarabağ və Şərqi Zəngəzurun təbii və iqtisadi potensialı barədə iştirakçılara məlumat verib, yeni inkişaf dövrünü yaşayan bu bölgəyə xüsusi diqqət və qayğı göstərən ölkə başçısına öz minnətdarlığını bildirib. Daha sonra müxtəlif səpkili çıxışlar olub.
C.ü.f.d., dosent Zaur İmrani “Qarabağın turizm-rekreasiya potensialı” adlı məruzə ilə çıxış edib. Tədqimatında təbiət abidələri, onların özəllikləri, qiymətləndirmə meyarları, təbiət abidələrinin pasportlaşdırılması yolları tədbir iştirakçılarına çatdırılıb. Z.İmrani Qarabağın geoloji və geomorfoloji, hidroloji, florastik və faunastik abidələri barədə məlumat verib, xüsusi mühafizə olunan yerlər və onların turizm əhəmyyətindən danışıb. Təbiət abidələri əsasında turizm marşrutlarını göstərib. Təqdimatın sonunda Qarabağın turizm-rekreasiya potensialını əks etdirəm 1:100000 miqyaslı xəritəsini təqdim edib.
“Qarabağ və Şərqi Zəngəzurun müasir landşaftlarının dinamikası” adlı məruzə ilə çıxış edən c.ü.f.d., dosent Səidə.Zeynalovanın tədqiqatının məqsədi müasir landşaft komplekslərinin diferensiasiya qanunauyğunluqlarını müəyyən etmək və tədqiq olunan bölgənin ekoloji şəraitini qiymətləndirmək olub. 500-1200 m yüksəkliklər arasında olan 10 əsas sahədə aparılan tədqiqatlar nəticəsində bölgənin müasir landşaftlarının 1:100000 miqyaslı xəritəsi tərtib edilib. Bundan əlavə, Qarabağın və Şərqi Zəngəzurun ekoloji çərçivəsinin xəritəsi də təqdim olunub ki, burada tədqiqat aparılan ərazilərdə ekoloji çərçivənin özəyi, ekoloji dəhlizlər və bufer zonaları əks olunub.
Tədbirin sonunda xatirə şəkli çəkdirilib.
14:10 04.06.2025
Oxunuş sayı: 1208
