Fərid Qayıbov beynəlxalq yarışlarda fərqlənən idmançılarla görüşüb
Gənclər və idman naziri Fərid Qayıbov may ayı ərzində beynəlxalq yarışlarda uğurla çıxış etmiş idmançılarla görüşüb.
Crossmedia.az xəbər verir ki, Bakı Gənclər Mərkəzində baş tutan tədbirdə idmançılarla yanaşı, onların məşqçiləri də iştirak ediblər.
Tədbir Dövlət Himnimizin səsləndirilməsi ilə başlayıb. Daha sonra nazir Fərid Qayıbov “Azərbaycan Respublikasının Əməkdar məşqçisi”, “Azərbaycan Respublikasının Fəxri bədən tərbiyəsi və idman işçisi" və “Azərbaycan Respublikasının İdman ustası” fəxri adlarına layiq görülmüş bəzi idman mütəxəssislərinə müvafiq vəsiqə və döş nişanları təqdim edib.
Ay ərzində beynəlxalq arenalarda qazanılmış nailiyyətləri əks etdirən videoçarxın nümayişindən sonra tədbir iştirakçıları çıxış ediblər. Atletika, boks, cüdo, batut gimnastikası, tamblinq, akrobatika gimnastikası, aerobika gimnastikası, bədii gimnastika, trek velosipedi, taekvondo, triatlon, akademik avarçəkmə, kayak, kanoe, draqon qayığı, kuraş, MMA, didlift, strikt körl, soft təchizat benç press, qol güləşi, sumo, kikboksinq, kunq-fu, uşu və bodibildinq idman növlərinin nümayəndələri çıxış etdikləri yarışlar və qazandıqları nəticələr barədə məlumat veriblər.
Sonda nazir Fərid Qayıbov idmançıları təbrik edərək onlara qarşıdakı yarışlarda daha böyük uğurlar arzulayıb.
19:36 03.06.2025
Oxunuş sayı: 1490
