YAP Yasamal rayon təşkilatı tərəfindən 28 May Müstəqillik Günü ilə əlaqədar olaraq tədbir keçirilib
Tədbirdə YAP Yasamal rayon təşkilatının sədri Bəxtiyar Nəbiyev, təşkialtın əməkdaşları, YAP Sosial Media Qrupunun əməkdaşları, sosial media sahəsində fəaliyyət göstərən partiya fəalları və könüllüləri iştirak edib.
Tədbirdə ilk öncə Ulu Öndər Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
Çıxış edən YAP Yasamal rayon təşkilatının sədri Bəxtiyar Nəbiyev Azərbaycan Xalq Cümhuriyyətinin yaranması, 23 aylıq fəaliyyəti dövrü haqqında məlumat verilib. Qeyd olunub ki, SSRİ-nin süqutundan sonra yenidən dövlət müstəqilliyini əldə edən Azərbaycan Ümummilli Lider Heydər Əliyevin müdrik siyasəti sayəsində öz suverenliyini qoruyub saxlayıb, dünya birliyinin ən sürətlə inkişaf edən və beynəlxalq nüfuza malik olan üzvünə çevrilib. Ulu Öndərin siyasi kursunun layiqli davamçısı Prezident, Müzəffər Ali Baş Komandan İlham Əliyevin rəhbərliyi ilə əldə olunan tarixi zəfərlərlə xalqımızın çoxəsrlik tarixinin ən şanlı səhifələrinin yazıldığı vurğulanıb. Gənclərin sosial mediada fəaliyyətinə toxunan Bəxtiyar Nəbiyev qeyd edib ki, bu fəaliyyət partiyanın ideoloji mövqeyini geniş auditoriyaya çatdırmağa və cəmiyyətlə dinamik ünsiyyət qurmağa şərait yaradır. Sosial şəbəkələr vasitəsilə Partiya cəmiyyətin bütün təbəqələri ilə daha effektiv əlaqə qurur və onların siyasi fəallığını artırır. Sosial mediada aparılan ideoloji fəaliyyət, Yeni Azərbaycan Partiyasının milli-mənəvi dəyərlərə əsaslanan siyasi xəttinin geniş kütlələrə çatdırılmasında mühüm rol oynayır. Bu fəaliyyət gənc nəslin milli ideologiya ruhunda tərbiyə olunmasına və dövlətçilik ənənələrinin qorunub saxlanmasına xidmət edir.
Daha sonra çıxış edən Yeni Azərbaycan Partiyası Sosial Media Qrupunun koordinatoru Rəsul Səlimzadə Müstəqillik Gününün strateji əhəmiyyətindən danışıb. O bildirib ki, müstəqillik keçmişə ehtiramla yanaşı, gələcək nəsillər qarşısında böyük məsuliyyət tələb edir. Onun qorunması hər bir vətəndaşın, xüsusilə gənclərin əsas vəzifələrindən biridir. Qeyd olunub ki, bu gün informasiya sahəsi mübarizə meydanına çevrilib və sosial media milli maraqların müdafiəsində əsas amillərdən biridir. YAP üzvləri, xüsusilə gənclər, sosial şəbəkələrdə fəallıq göstərərək ölkəmizə yönəlik təxribat xarakterli məlumatlara operativ şəkildə cavab verir və milli dəyərlərimizin qorunmasında ideoloji təhdidlərə qarşı aktiv mübarizə aparırlar. Sonda vurğulanıb ki, sosial media yalnız kommunikasiya vasitəsi deyil, milli ideoloji mübarizənin ön cəbhəsidir.
14:53 29.05.2025
Oxunuş sayı: 2094
