İTKM-də “GIS-Tech Marathon 2025”in qaliblərinin mükafatlandırılması baş tutub
İqtisadi İslahatların Təhlili və Kommunikasiya Mərkəzində (İİTKM) Coğrafi İnformasiya Sistemlərinin (CİS) tətbiqi üzrə ixtisaslaşmış “Caucasus Geo Survey” şirkəti ilə birlikdə “GIS-Tech Marathon 2025” uğurla başa çatması qeyd olunub.
Crossmedia.az xəbər verir ki, tədbir zamanı marafonu uğurla yekunlaşdıran gənc mütəxəssislər mükafatlandırılıb, onlara qalib kimi təqdim olunan imkanlar açıqlanıb.
Açılış zamanı “Caucasus Geo Survey” şirkətinin direktoru Rauf Əmənov marafonun qaliblərini təbrik edib. O bildirib ki, 40 gün ərzində baş tutan marafon gənc mütəxəssisləri məkan məlumat sistemləri texnologiyalarının əsasları və real sektor tətbiqləri ilə tanış edib. O əlavə edib ki, marafon çərçivəsində iştirakçılar dünyanın aparıcı mütəxəssislərindən təlimlər alıb, nəzəri və praktiki bacarıqlarını inkişaf etdirmək imkanı qazanıblar.
İİTKM-in icraçı direktorunun müavini Ayaz Museyibov isə bildirib ki, müasir dövrdə GİS texnologiyası ekoloji monitorinq, nəqliyyat idarəçiliyi və fövqəladə halların idarə olunmasında əvəzsiz rol oynayır. Onun sözlərinə görə GİS təbii resursların idarə olunmasından şəhər planlaşdırılmasına qədər bir çox sahədə daha dəqiq qərarlar qəbul etməyə kömək edir. Azərbaycanın da GİS sahəsində inkişaf sürətlənir və bu texnologiyadan müxtəlif dövlət layihələrində və özəl təşəbbüslərdə geniş istifadə trendləri müşahidə edilir. Xüsusi ilə də, işğaldan azad olunmuş ərazilərimizdə aparılan modern əsaslı yenidənqurma işlərində bu texnlogiyalardan istifadə imkanları genişdir. GİS sisteminin inkişafı, Azərbaycanın sosial-iqtisadi inkişaf strategiyalarının həyata keçirilməsində və dayanıqlı idarəetmə modelinin formalaşdırılmasında mühüm əhəmiyyət daşıyır.
Qeyd edək ki, “GIS-Tech Marathon 2025” dünyanın nüfuzlu Ətraf Mühit Sistemləri Tədqiqat İnstitutu (ESRİ) ilə birlikdə həyata keçirilib. Mükafatlandırmada iştirak edən GIS sahəsinin beynəlxalq mütəxəssisi, eyni zamanda ESRİ-nin nümayəndəsi Ahmed El Awady mövzusunda master-klas təqdim edib.
Sonda qalib olan 30 iştirakçı məzun kimi müksafatlandırılıb. Layihənin tərəfdaşları “ESRI”, Azərbaycan Respublikası Kənd Təsərrüfatı Nazirliyi, Ekologiya və Təbii Sərvətlər Nazirliyi, Azercosmos, İqtisadi İslahatların Təhlili və Kommunikasiya Mərkəzi və Made in Azerbaijan (MinA) platformasıdır. Layihənin media dəstəyini Media dəstəyini isə www.edumap.az təmin edib.
10:45 30.04.2025
Oxunuş sayı: 1071
