OpenAI-ın şəkilləri təhlil etmək bacarığı şəxsi təhlükəsizliklə bağlı suallar doğurur
OpenAI-ın yeni trendi bir sıra problemlərin yaranmasına səbəb olmaqdadır. Belə ki, insanlar şəkillərdə göstərilən yerləri müəyyən etmək üçün ChatGPT-dən istifadə edirlər.
Bildiyimiz kimi bu həftə OpenAI özünün ən yeni AI modellərini – o3 və o4-mini-ni təqdim etdi. Bu modellər şəkilləri "məntiqi formada təhlil edə" bilir. Praktikada modellər şəkilləri kəsə, fırlada, yaxınlaşdıra və hətta bulanıq və təhrif olunmuş şəkilləri belə dərindən təhlil edə bilir.
Crossmedia.az xarici mediaya istinadən xəbər verir ki, şəkil təhlil qabiliyyətləri, modellərin internetdə axtarış etmə bacarığı ilə birləşdikdə, güclü bir yer müəyyənləşdirmə alətinə çevrilir. X istifadəçiləri tez bir zamanda aşkar etdilər ki, xüsusilə o3 modeli şəhərləri, görməli yerləri, hətta restoran və barları kiçik vizual ipuçlarından təyin etməkdə olduqca uğurludur.
Bir çox hallarda modellərin əvvəlki ChatGPT söhbətlərindən "xatirələr" və ya şəkillərə əlavə olunan və fotoşəkilin harada çəkildiyi kimi detalları açıqlayan EXIF metadata-dan istifadə etdiyi görünmür.
Qeyd etmək lazımdır ki, bu texnologiya bizlərə maraqlı imkanlar yaratsa belə, məxfilik və təhlükəsizliklə bağlı yeni suallar ortaya qoyur.
Zeynəb Yunuszadə
22:00 18.04.2025
Oxunuş sayı: 13640
