Hadisə,Gənclər və İdman
Könüllü proqramına qeydiyyat mərhələsi rekord nəticə ilə yekunlaşıb
Bu il Azərbaycanda keçiriləcək “Formula 1” Qran-prisinin könüllü proqramına qeydiyyat mərhələsi rekord nəticə ilə yekunlaşıb.
Crossmedia.az Bakı Şəhər Halqası Əməliyyat Şirkətinin mətbuat xidmətinə istinadən xəbər verir ki, qeydiyyat üçün 48 saat ərzində 31000-dən çox müraciət daxil olub.
Bu, Azərbaycan Qran Prisi tarixində ən yüksək göstərici kimi qeydə alınıb. Müqayisə üçün qeyd edək ki, ötən il bu rəqəm 16000 idi.
Qeyd edək ki, Azərbaycan Qran-prisi sentyabrın 19-21-i aralığında baş tutacaq.
18:34 13.04.2025
Oxunuş sayı: 6579
