Kişilər niyə özlərindən böyük qadınlarla evlənmək istəyir? - Ekspertlər açıqladı
Cəmiyyət arasında evliliklə bağlı məsələlər daim gündəmdə müzakirə və mübahisələrə səbəb olub. Evlilikdə qadınların yaşca kişilərdən böyük olmasını əksər insanlar xoş qarşılamır. situasiyası əksər insanlar tərəfindən xoş qarşılanmır. Yaşlı nəsil nümayəndələrinə görə kişi qadından böyük olmalıdır.
Gənc ailələrdə isə bir çox halda öyrəşmədiyimiz tendensiyaya- qadının kişidən yaşca böyük olmasına rast gəlirik. kişilər özlərindən yaşca böyük xanımları daha üstün tutur və onlarla ailə həyatı qurmağa can atır. Bu məsələ əhali arasında həm psixoloji, həm də digər cəhətlərdən narazılıqlara səbəb olur.
Məsələ barədə Crossmedia.az-a danışan sosioloq Lalə Mehralı deyib ki, əgər iki tərəf razılaşıblarsa, yaş onlar üçün əhəmiyyətli deyilsə bu məsələdə neqativ nə isə yoxdur:
“Evlilik məsələsində adətən həm dünya təcrübəsində, həm yerli təcrübədə qadının kişi ilə ya həmyaşıd olması, ya da bir neçə yaş kiçik olması məsələsi əsas tutulub. Yaşıd olanda adətən fikirlər, düşüncələr üst-üstə düşür, qadın kişidən kiçik olanda isə ailə birliyi qorunur deyirlər. Amma qadının kişidən böyük olması məsələsində qadının ailədə hökmran olması gündəmə gəlir və bu, bizim milli düşüncə tərzimizə görə normal hesab edilmir. Bəzən kişi qadından 10-15 yaş kiçik olanda bu, birmənalı qarşılanmır. Bəzən insanlar başqalarının həyatını müzakirə etməyi üstün tuturlar. Bir sıra hallarda qadının böyük olması ailədə problemlərə səbəb olur. Kişi özündən daha düşüncəli qadınla uyğun olmadığı qənaətinə gəlir".
O söyləyib ki, kişilər evlilikdə adətən qadınlardan böyük olur: "Çünki daha uzaqgörən olub, daha kritik vəziyytlərdə vəziyyətdən daha rahatlıqla çıxa bilmək üçün birinin daha böyük olması məqsədəuyğun hesab edilir. Adətən də ailədə lider olduğuna görə onun böyük olması istənilir. Amma qadınların böyük olması məsələsi də mümkündür. Bu cür durumlarda hər iki tərəf yaş fərqinə razıdırsa, məncə, problem olmaz".
Psixoloq Sevinc Həbibova sğyləyib ki, əks cins nümayəndələri sanki daha mübarizə aparmaq həvəsində deyillər: "Əvvəllər adət- ənənə var idi və biz onları həmişə qoruyub saxlayırdıq. Deyirdik ki, kişi nə qədər xanımdan bir az böyük olarsa, bir o qədər yaxşıdı. Artıq hər şey adiləşib. Gənc qız sevilmək və diqqət istəyir. Amma bir az özündən yaşca böyük xanım isə artıq vaxtında özü-özünə nəvazişi verib. Artıq kişilərimiz istəyirlər ki, özlərinə diqqət və qayğı olunsun. Tarix boyu olan evliliklərdə də belə halları görmək mümkündür. Məsələn Peyğəmbərimizin yoldaşı Xədicə də ondan 18 yaş böyük olub və çox da gözəl yola gediblər”.
Nurcan İsmayılova
16:21 10.04.2025
Oxunuş sayı: 1600
