Gənclər niyə özlərini qəbul edə bilmir?- Psixoloqdan izah
Psixoloji problemlər sırasında müasir dövrdə artan və əsasən də gənclərdə çoxluq təşkil edən özünü qəbul etməmə problemidir. Bu məsələ gənc nəslin formalaşması və cəmiyyətin inkişafına maneələr gətirir. Sosial medianın, üçüncü tərəflərin və düşdüyü mühitdəm aaılı olaraq gənclər cəmiyyət içərisində özünü qəbul etməkdən çəkinir. Zamanla bu problem onlarda dərin izlər buraxır. Hazırda bu problemlə bağlı psixoloqlar tərəfindən müxtəlif sağlamlıq addımları atılır və yeni araşdırmalar davam edir.
Bu barədə Crossmedia.az-a danışan Klinik psixoloq Gülşən Rüstəmova deyib ki, özünü qəbul etməmə təkcə gənclərdə deyil, hal hazırda insanların əksəriyyətində bu var:
“Gənclərin özünü qəbul edə bilməməsi və ya özünü tanımaması, fərqində olmaması çox görünən haldır. Bir psixoloq olaraq bizim məqsədimiz insanda özünün fərqindəliyini yaratmaqdır. Özünün, olduğu yerin, prioritetlərinin, seçimlərinin, gözləntilərinin, həyatında baş verən proseslərin, özü öz həyatında bunun fərqinə varmasını təmin etməkdir".
Psixoloq söyləyib ki, gənclərin özünü qəbul etməmə səbəblərindən biri də əsl həqiqətin fərqində olmamalıdır: “Sırf gənclərdən söhbət gedirsə, bu gün gənclərin ümumiyyətlə formalaşdırdıqları mən var. Bir də əsl mənləri var. Baxın, burada vəziyyət gərginləşir. Əsl mənlə formalaşdırdığı məni arasında qalan gənc anlaya bilmir hansı əsl özüdür və anlaya bilmədiyi üçün həqiqətən bir gərginlik yaranır".
Nurcan İsmayılova
16:27 07.04.2025
Oxunuş sayı: 12409
