Kipr türklərinin faciəvi taleyi Avstraliyada səhnələşdirilib
Şimali Kipr Türk Respublikasının mədəniyyət xadimi Abdullah Öztoprak Sidney şəhərində teatr tamaşası nümayiş etdirib.
Crossmedia.az xəbər verir ki, tamaşada 1974-cü ildə Kipr adasında yunanların türklərə qarşı törətdikləri cinayətlər və türk millətinin üzləşdiyi faciəvi hadisələr səhnələşdirilib.
Tədbirdə Avstraliya Azərbaycan Assosiasiyası və Güney Azərbaycan Demokratik Türk Birliyinin təmsilçiləri, Avstraliyanın sabiq mühacirət naziri Filip Rodak, bələdiyyə başqanı, Yeni Cənubi Uels əyalətinin multikultural nazirliyinin nümayəndəsi, tatar və türk assosiasiyalarının nümayəndələri, Türkiyənin Sidney baş konsulu Belgin Ergüneş və Şimali Kipr Türk Cumhuriyyətinin Yeni Cənubi Uels bölgəsinin fəxri konsulunun nümayəndəsi İlqay Yusuf iştirak ediblər.
Abdullah Öztoprak uşaqlıqda şahid olduğu hadisələri teatr vasitəsilə tamaşaçılara çatdırıb. Teatr tamaşaçılara dərin təsir edib və unudulmaz anlar yaşadıb.
Nəzrin Salmanova
15:15 06.04.2025
Oxunuş sayı: 10748
