"Dayəni seçərkən 2 mühüm şərtə əməl etmək lazımdır" - Ekspert rəyi
Bu gün ailənin madiyyatını ayaqda saxlamaq üçün hər iki valideynin işləməsi əsas şərtdir. Kişi və qadının eyni anda işləməsi bir tərəfdən də maneələr yaradır. Xüsusilə də, körpə uşaqlı ailələrin əksəriyyəti düzgün baxıcı axtarır. Uşaq baxıcılarının sayı çox olsa da, onların uşaqla və ailə ilə münasibətləri doğru tənzimlənməlidir.
Bu fikirləri Crossmedia.az-a açıqlamasında, sosioloq Mail Yaqub bildirib.
O, bildirib ki, bu gün çox ailələrdə bu problem hökm sürür. Həmçinin, bu müasir dövrün tələbidir. Çünki, xanımlar işləmək istəyir. Nəticədə, körpə uşaqlara dayə tutulması ortaya çıxır. İkinci səbəb kimi, maddi imkanı deməliyik. Valideynlərin həyat şəraiti yaxşı olduqda, analar övladları üçün köməkçi axtarırlar.
Ekspert qeyd edib ki, dayəni seçərkən, 2 mühüm şərtə əməl etmək lazımdır. İlk olaraq, dayənin təmizkar olmağı və uşağın təmizliyinə riayət etməsi vacibdir. Sonra isə, psixoloji problem əsas götürülür. Çünki, danışa bilməyən uşaqlara ana evdə olmadıqda, təzyiq göstərə bilər. Baxıcı seçərkən, danışıq və davranışlarının nə dərəcədə normal olması əsasdır. Sonda intellektual səviyyəni müəyyən etmək lazımdır.
Mail Yaqub aydınlıq gətirib ki, valideynlər dayə seçərkən, müsahibə daha faydalı olar. Bu gün bölgələrdə bu məsələ geniş yayılmasa da, Bakıda və bəzi böyük şəhərlərdə müzakirə mövzusudur. Lakin, uşağın bütün gününü dayə ilə keçirməsi düzgün deyil. Bu uşağı anaya biganə edir. Dayə nə qədər, bütün standartlara cavab verən birisi olsa da, ananın yerini əvəz edə bilməz.
Həbib Qasımov
14:48 06.04.2025
Oxunuş sayı: 11135
