Apple 250 Milyard Dollar İtirdi
ABŞ Prezidenti Donald Trampın yeni tarif siyasəti Apple-a ağır zərbə vurub. Şirkətin bazar dəyəri cümə axşamı 250 milyard dollardan etibarən azalmağa başlayaraq səhmlərinin 8,5%-ə qədər ucuzlaşmasına səbəb olub.
Apple ilə yanaşı, digər texnologiya nəhəngləri də dəyər itirib. Tesla, Nvidia və Meta-nın səhmləri 6%, Amazon-un səhmləri isə 7,2% düşüb.
Tramp administrasiyası çərşənbə günü minimum 10%-lik yeni idxal tarifləri elan edib. Çin üçün bu rəqəm 54%-ə yüksəlib və aprelin 5-dən qüvvəyə minəcək. Wedbush Securities analitikləri bu tariflərin texnologiya sektoru üçün "ən pis ssenaridən də pis" olduğunu bildiriblər.
Crossmedia.az saytı xarici mediaya istinadən xəbər verir ki, Apple-ın əsas təchizatçıları və istehsal mərkəzləri – Çin, Tayvan, Hindistan və Vyetnam bu tariflərdən ciddi şəkildə təsirlənəcək. Bu da iPhone, iPad, Mac və digər Apple məhsullarına birbaşa təsir göstərəcək.
Apple-ın CEO-su Tim Kuk hökumətlə münasibətləri yumşaltmağa çalışsa da, şirkətin çətin seçim qarşısında olduğu bildirilir. Apple ya qiymətləri artırmalı, ya da milyardlarla dollar mənfəət itkisini qəbul etməlidir.
Zeynəb Yunuszadə
18:28 04.04.2025
Oxunuş sayı: 1391
