Azərbaycanla Sloveniya arasında enerji sahəsində Anlaşma Memorandumu imzalanıb YENİLƏNİB
Azərbaycan və Sloveniya arasında energetika sahəsində əməkdaşlıq üzrə Anlaşma Memorandumu imzalanıb.
Crossmedia.az Energetika Nazirliyinə istinadən xəbər verir ki, Cənub Qaz Dəhlizi Məşvərət Şurası nazirlərin 11-ci iclası və Yaşıl Enerji Məşvərət Şurası nazirlərin 3-cü iclası çərçivəsində energetika naziri Pərviz Şahbazovla Sloveniyanının ətraf mühit, iqlim və energetika naziri Bojan Kumer arasında görüş olub.
Görüşdə təbii qaz sahəsində enerji şirkətlərinin əməkdaşlığı və Sloveniyanın qazla təchizatı üzrə əməkdaşlığa başlanması enerji əlaqələrinin inkişafı aspektində dəyərləndirilib. Yeni istiqamətlər üzrə əməkdaşlığa maraq ifadə edilib.
Müzakirələrdən sonra “Azərbaycan Respublikasının Energetika Nazirliyi ilə Sloveniya Respublikasının Ətraf Mühit, İqlim və Energetika Nazirliyi arasında Energetika Sahəsində Əməkdaşlıq üzrə Anlaşma Memorandumu” imzalanıb.
Memorandum enerji sahəsində, o cümlədən enerji təhlükəsizliyi və qaz təchizatının şaxələndirilməsi, hidrogen də daxil olmaqla yaşıl enerji texnologiyaları üzrə əməkdaşlığın inkişaf etdirilməsi və bərpa olunan enerji mənbələrindən istifadəyə dair təcrübə mübadiləsinin genişləndirilməsini ehtiva edir. Sənəddə BMT-nin İqlim Dəyişmələri üzrə Çərçivə Konvensiyası və Paris Sazişi çərçivəsində qəbul edilmiş enerji siyasətləri və təşəbbüsləri üzrə əməkdaşlığın da gücləndirilməsi nəzərdə tutulur.
Azərbaycan Energetika Nazirliyi və Sloveniyanının Ətraf Mühit, İqlim və Energetika Nazirliyi arasında əməkdaşlıq üzrə Anlaşma Memorandumu imzalanıb.
16:41
Crossmedia.az xəbər verir ki, bu barədə energetika naziri Pərviz Şahbazov "X" sosial şəbəkəsindəki hesabında bildirib.
“Cənub Qaz Dəhlizi Məşvərət Şurası nazirlərin 11-ci iclası və Yaşıl Enerji Məşvərət Şurası nazirlərin 3-cü iclası çərçivəsində Sloveniyanının ətraf mühit, iqlim və energetika naziri Bojan Kumer ilə iki ölkənin müvafiq nazirlikləri arasında əməkdaşlıq üzrə Anlaşma Memorandumu imzaladıq. Bu sənəd təbii qaz, bərpa olunan enerji üzrə Azərbaycanla Sloveniyanın enerji əlaqələrinin inkişafını dəstəkləyir”, deyə nazir qeyd edib.
18:00 04.04.2025
Oxunuş sayı: 6867
