Sumqayıtda kafenin fəaliyyətində nöqsanlar aşkarlanıb
Azərbaycan Qida Təhlükəsizliyi Agentliyinin (AQTA) əməkdaşları Sumqayıt şəhəri, 5-ci mikrorayon, N.Nərimanov küçəsi, 36 ünvanında fiziki şəxs Rəhimov Səxavət İmran oğluna məxsus “Dostluq” kafesində yoxlama aparıblar.
Crossmedia.az Agentliyin İnformasiya təminatı və innovativ həllər şöbəsinə istinadən xəbər verir ki, yoxlama zamanı ictimai iaşə müəssisəsində sanitar-gigiyenik və sanitar-texniki vəziyyətin qənaətbəxş olmadığı, məhsulların saxlanılması zamanı temperatur rejiminə əməl edilmədiyi, işçi heyətin tibbi müayinədən keçmədiyi və digər nöqsanlar müəyyən olunub. Həmçinin soyuducuda etiketlənməsi aparılmayan qida məhsulları aşkarlanıb.
Faktla bağlı nöqsanlar aradan qaldırılanadək iaşə müəssisəsinin fəaliyyətinə müvəqqəti məhdudiyyət qoyulub, rəhbəri barəsində inzibati qərar qəbul edilərək cərimə tətbiq edilib və qanunvericiliyə uyğun zəruri tədbirlər görülüb.
18:25 02.04.2025
Oxunuş sayı: 980
