İlon Mask “X”sosial şəbəkəsini və “xAI” startapına satdı
Amerikalı iş adamı İlon Mask süni intellekt sahəsində fəaliyyət göstərən xAI startapına məxsus X sosial platformasını satdığını elan edib.
“xAI-nin dəyəri 80 milyard dollar, X-in dəyəri isə 33 milyard dollar təşkil edir (45 milyarddan 12 milyard dollar borc çıxılmaqla),” – deyə Mask X sosial şəbəkəsində bildirib.
Crossmedia.az “Bloomerg”-ə istinadən xəbər verir ki, onun sözlərinə görə, iki il əvvəl qurulan xAI artıq dünyanın aparıcı süni intellekt laboratoriyalarından birinə çevrilib.
“xAI və X-in gələcəyi bir-biri ilə sıx bağlıdır. Biz rəsmi olaraq məlumatların, modellərin, hesablama gücünün, paylanmanın və istedadların birləşməsinə doğru addım atırıq. Bu sintez xAI-nin qabaqcıl süni intellekt imkanlarını X-in geniş əhatə dairəsi ilə birləşdirərək nəhəng potensial yaradacaq,” – deyə Mask vurğulayıb.
Məlumata görə, birləşmiş şirkət XAI Holdings adlandırılıb və borc öhdəlikləri nəzərə alınmadan onun ümumi dəyəri 100 milyard dollardan çox qiymətləndirilir.
Mədinə Cəlilova
16:30 29.03.2025
Oxunuş sayı: 1171
