Miyazaki ChatGPT-nin Studio Ghibli üslublu şəkillərini tənqid edir
Hayao Miyazaki süni intellektin Ghibli üslubunda sənət yaratmasını “həyatın özünə təhqir” adlandırıb.
Crossmedia.az xarici mediaya istinadən bildirir ki, OpenAI-nin ChatGPT modelinə əlavə edilən yeni funksiya internetdə məşhur memlərin, tarixi fotoların və film səhnələrinin Studio Ghibli üslubunda yenidən təsəvvür edilməsinə səbəb olub. Bu tendensiya OpenAI rəhbəri Sam Altmanın belə X sosial platformasında Ghibli üslubunda portret istifadə etməsi ilə diqqət çəkib.
Lakin bu texnologiya müəllif hüquqları və etik problemləri yenidən gündəmə gətirib. Studio Ghibli-nin həmtəsisçisi, 84 yaşlı Miyazaki uzun illərdir süni intellektin sənətə təsirindən narahat olduğunu bildirib. 2016-cı ildə yayılan bir videoda o, AI ilə yaradılan animasiyaları “iyrənc” adlandıraraq, bu texnologiyanın ağrı və insan duyğularını anlamadığını vurğulayıb.
Hüquq mütəxəssisləri isə OpenAI-nin bu modelləri Studio Ghibli-nin icazəsi olmadan öyrətməsinin qanuni problemlər yarada biləcəyini bildirirlər. Buna baxmayaraq, OpenAI-nin təsviri süni intellekt vasitəsilə yaradılan əsərlərə məhdudiyyətlər qoymasına baxmayaraq, Altman bu limitin uzunmüddətli olmayacağını deyib.
Zəhra Ağayeva
20:56 28.03.2025
Oxunuş sayı: 1913
