Apple TV+ hər il 1 milyard dollar zərərə uğrayır
Apple şirkətinin yayım platforması Apple TV+ hər il 1 milyard dollardan çox zərərə uğrayır. The Information portalının hesabatına görə, bu xidmət Apple-ın mənfəət gətirməyən yeganə platformasıdır.
Crossmedia.az xarici mediaya istinadən xəbər verir ki, Apple TV+ üçün şirkət hər il təxminən 5 milyard dollar xərcləyib, lakin bu məbləğ 2024-cü ildə 4,5 milyard dollara endirilib. Xidmət “Severance”, “Ted Lasso”, “The Morning Show”, “Silo” və “Shrinking” kimi məşhur orijinal seriallarla tanınır.
Apple TV+ istehsalları 2,500-dən çox mükafat və namizədlik qazansa da, platforma abunəçi sayı baxımından Netflix, Disney+ və Amazon Prime Video kimi rəqiblərindən geri qalır.
Dəqiq abunəçi sayı açıqlanmasa da, təxminən 45 milyon istifadəçiyə sahib olduğu bildirilir. Müqayisə üçün, Netflix 301 milyon abunəçi ilə yayım sektorunda liderliyini qoruyur.
Zeynəb Yunuszadə
16:37 22.03.2025
Oxunuş sayı: 12749
