Husilər: Qəzzaya hücumlar dayandırılmasa, İsraili bombalamağa davam edəcəyik!
İsrail ordusu Yəməndən atılan raketi vurduğunu açıqlayıb.
Crossmedia.az xarici KİV-ə istinadən xəbər verir ki, İsrailin bir çox bölgəsində hava hücumu sirenləri səslənib.
İsrail Müdafiə Qüvvələrinin (IDF) verdiyi məlumata görə, Yəməndən atılan raket İsrail hava məkanına daxil olmadan Hərbi Hava Qüvvələri tərəfindən zərərsizləşdirilib.
Hadisə zamanı Ben Qurion hava limanı və digər strateji obyektlərdə təhlükəsizlik tədbirləri gücləndirilib.
Hücumun məsuliyyətini İranın dəstəklədiyi husilər öz üzərinə götürüb. Onlar hədəflərindən birinin Ben Qurion hava limanı olduğunu bəyan edərək, aviaşirkətləri bu marşrutda uçuşlara qarşı ehtiyatlı olmağa çağırıblar.
Husilər həmçinin İsrailin Qəzzaya hücumlarını dayandırmayacağı təqdirdə bu cür hücumların davam edəcəyini bildirib.
Son həftələrdə Qəzza zolağındakı hərbi əməliyyatların intensivləşməsi fonunda İsrail və husilər arasında qarşıdurma daha da gərginləşib.
Qeyd edək ki, Husilər ABŞ-nin “USS Harry Truman” təyyarədaşıyan gəmisini də vurub.
Aybəniz Səfərova
12:27 22.03.2025
Oxunuş sayı: 1268
