Xarici xəbərlər

Qazaxıstan 85 ölkəyə elektron giriş icazəsi ilə bağlı məlumat göndərib

Qazaxıstan elektron giriş icazəsi sistemi olan QazETA ilə bağlı ətraflı məlumatı Rusiya da daxil olmaqla 85 ölkəyə diplomatik kanallarla göndərib.

Crossmedia.az xəbər verir ki, “RİA Novosti” bu barədə Qazaxıstan Xarici İşlər Nazirliyinə istinadən məlumat yayıb.

Nazirlikdən bildirilib ki, QazETA sistemi ilə bağlı məlumat Qazaxıstana vizasız səfər etmək hüququ olan 85 ölkənin hamısına diplomatik kanallarla çatdırılıb.

Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova Moskvanın Qazaxıstanın ölkəyə giriş üçün məcburi elektron icazə ilə bağlı yeni qərarının tətbiqi qaydalarına dair əlavə izahat gözlədiyini açıqlamışdı.

Diplomatın sözlərinə görə, Rusiya Astananın miqrasiya qanunvericiliyini təkmilləşdirmək hüququna hörmətlə yanaşır. Bununla belə, yeni qaydalar Avrasiya İqtisadi İttifaqına üzv dövlətlərin vətəndaşlarına da aid olduğundan, Moskva məsələyə aydınlıq gətirilməsini istəyir.

🖨 Çap et

21:51 21.10.2026

Oxunuş sayı: 46