Husilər ABŞ-nin təyyarədaşıyan gəmisini VURDU
Yəmənin “Ənsar Allah” hərəkatının husiləri Təl-Əvivdəki Ben Qurion hava limanına, eləcə də ABŞ-nin “USS Harry Truman” təyyarədaşıyan gəmisinin ətrafında hərəkət edən qrupunun gəmilərinə zərbələr endirib.
Crossmedia.az xəbər verir ki, bu barədə “Al Masirah” telekanalı husilərin silahlı qüvvələrinin bəyanatına istinadən məlumat yayıb.
“Biz Fələstin-2 hipersəs ballistik raketi ilə işğal olunmuş Yaffa bölgəsindəki Ben Qurion hava limanına hücum etdik. Biz bütün aviaşirkətlərə xəbərdarlıq edirik ki, Ben Qurion Hava Limanı uçuşlar üçün təhlükəli hala gəlib və belə qalacaq. Hərbi Hava Qüvvələrimiz ABŞ-nin “USS Harry Trumann” təyyarədaşıyan gəmisi ilə əlaqəli bir sıra hərbi gəmilərinə hücum edib”, - məlumatda deyilir.
06:22 22.03.2025
Oxunuş sayı: 12940
