ABŞ “Belaruskalıy” şirkətinin rəhbərinə qarşı sanksiyaları ləğv edib
ABŞ “Belaruskalıy” şirkətinin baş direktoru Andrey Rıbakova qarşı tətbiq etdiyi fərdi sanksiyaları rəsmən ləğv edib.
Crossmedia.az xəbər verir ki, ABŞ Maliyyə Nazirliyinin Xarici Aktivlərə Nəzarət İdarəsinin (OFAC) rəsmi saytında bu barədə məlumat yerləşdirilib.
Rıbakov 2021-ci ilin avqustunda ABŞ-nin sanksiya siyahısına daxil edilmişdi. 2024-cü ilin dekabrında isə Avropa İttifaqı ona qarşı məhdudiyyətlər tətbiq etmişdi.
Qeyd edək ki, “Belaruskalıy” şirkəti və onun treyderi olan “Belarus Kalium Şirkəti” (BKK) mart ayında ABŞ-nin sanksiya siyahılarından çıxarılmışdı.
“Belaruskalıy” Belarusun ən böyük kalium xlorid istehsalçısıdır və dünya gübrə bazarının 20 faizindən çoxunu təşkil edir. Məhdudiyyətlər tətbiq olunmazdan əvvəl müəssisə hər il 107 ölkəyə təxminən 10–11 milyon ton məhsul ixrac edirdi.
23:26 21.10.2026
Oxunuş sayı: 49
