Almaniyada hovuzda 120-dən çox şəxs naməlum səbəblərdən boğulub
Almaniyanın Vaysenhäuser-Strand kommunasında yerləşən hovuzda azı 125 nəfər nəfəs almaqda çətinlik çəkib.
Crossmedia.az xəbər verir ki, “Spiegel” nəşri Şlezviq-Holşteyn əyalətində yerləşən Lübek şəhərinin polis idarəsinə istinadən bu barədə məlumat yayıb.
Hadisə ilə bağlı məlumat çərşənbə axşamı axşam saatlarında daxil olub. Xilasedicilər saat 18:45-də hadisə yerinə gəliblər.
Yaşları 3-75 arasında dəyişən zərərçəkənlər həkimlər tərəfindən müayinə olunublar. Onlardan ikisi yüngül xəsarətlərlə ambulator müalicə üçün xəstəxanaya aparılıb.
İlkin məlumatlarda nəfəs yollarında problem yaranan şəxslərin 20-30 uşaq olduğu bildirilirdi. Uşaqlar nəfəs ala bilmədiklərini deyərək şikayət ediblər.
Hadisənin səbəbi kimi hovuz suyunda xlorun miqdarının normadan artıq olması ehtimalı da yoxlanılıb. Hovuzun operatoru və yanğınsöndürənlər suyun, havalandırma sisteminin və havanın keyfiyyətini ölçüblər. Lakin yoxlamalar zamanı xlorun və digər göstəricilərin normadan artıq olduğu aşkarlanmayıb.
Polis ehtiyatsızlıqdan sağlamlığa zərər vurulması şübhəsi ilə araşdırmaya başlayıb. Hadisənin dəqiq səbəbi hələ müəyyən edilməyib.
19:34 21.10.2026
Oxunuş sayı: 54
