16 yaşlı məktəbli taksidə seksual xarakterli təzyiqə məruz qalıb? - İDDİA
Bakıda 16 yaşlı məktəbli oğlan manatlıq taksidə sürücünün ona qarşı seksual xarakterli təzyiq göstərdiyini iddia edib.
Crossmedia.az xəbər verir ki, hadisə oktyabrın 20-də saat 21 radələrində baş verib.
Məlumata görə, 11-ci sinif şagirdi dərsdən qayıdarkən metronun “Koroğlu” stansiyasından Buzovna qəsəbəsinin “Albalılıq” massivinə gedən manatlıq taksiyə minib.
İddia olunur ki, avtomobildə tək qaldığı zaman sürücü yeniyetmə ilə əxlaqsız söhbətlər edib və ona qarşı seksual xarakterli fiziki təzyiq göstərib.
Hadisə ilə bağlı polis araşdırma aparır. İnsidentin digər təfərrüatları və araşdırmanın nəticələri barədə hələlik məlumat verilməyib.
19:07 21.10.2026
Oxunuş sayı: 58
