İdman

Azərbaycan millisinin açıq məşqi keçiriləcək

FIFA U-15 Dünya Çempionatı və Festivalında iştirak edəcək Azərbaycanın U-16 milli komandasının oktyabrın 22-də Hövsan Yarış Kompleksində açıq məşqi təşkil olunacaq.

Crossmedia.az xəbər verir ki, AFFA bu barədə məlumat yayıb.

Saat 16:30-da başlayacaq məşqin ilk 15 dəqiqəsi media nümayəndələri üçün açıq olacaq. Məşqi yalnız akkreditasiyadan keçmiş jurnalistlər izləyə biləcəklər.

Azərbaycan millisi turnirdə ilk oyununu oktyabrın 24-də saat 19:30-da “Crystal Hall”da Timor-Leste yığmasına qarşı keçirəcək.

Komanda oktyabrın 25-də saat 12:45-də Andorra, saat 19:30-da isə Avstraliya ilə qarşılaşacaq. Hər iki görüş Hövsan Yarış Kompleksinin 10A meydançasında baş tutacaq.

Milli oktyabrın 26-da eyni meydançada saat 11:30-da İsrail, saat 18:15-də isə Haiti yığması ilə üz-üzə gələcək.

Qeyd edək ki, turnirdə 189 ölkənin iştirakı və 1000-ə yaxın oyunun keçirilməsi nəzərdə tutulur.

Mövzular:

Azərbaycan millisi U-16 FIFA U-15 Dünya Çempionatı AFFA Hövsan Yarış Kompleksi açıq məşq Crystal Hall

🖨 Çap et

18:10 21.10.2026

Oxunuş sayı: 54