NASA Ayda Gün batımının ilk yüksək keyfiyyətli görüntülərini paylaşdı
NASA, Blue Ghost (Mavi ruh) kosmik aparatı tərəfindən çəkilmiş Ayda gün batımının ilk yüksək həllolma qabiliyyətli fotolarını yayımlayıb. Bu görüntülər elm adamlarına “Ay üfüq parıltısı” fenomeni haqqında yeni ipucları təqdim edə bilər.
Crossmedia.az xəbər verir ki, şəkillər NASA-nın Conson Kosmik Mərkəzində təqdim edilib. Fayrflay Aerospeys ilə birgə həyata keçirilən 14 günlük missiya bununla başa çatıb. Artemis proqramının bir hissəsi olan aparat, 2 martda Meyr Krisium yaxınlığına eniş edib.
Görüntülərdə Yer və Venera da görünür, Günəş batarkən üfüq boyunca işıq parıltısı yayılır. NASA rəhbəri Joel Kearns, “Bunlar Günəş batışının ilk yüksək keyfiyyətli görüntüləridir” deyə bildirib.
Ay üfüq parıltısı ilk dəfə 1972-ci ildə Apollo 17 missiyası zamanı astronavt Eugene Cernan tərəfindən qeydə alınmışdı. Araşdırmalara görə, bu fenomen Ayın nazik atmosferindəki toz hissəciklərinin işıq saçması nəticəsində yaranır.
Mədinə Cəlilova
00:20 21.03.2025
Oxunuş sayı: 1326
