Apple, iOS 19 və macOS 16 ilə böyük dizayn dəyişiklikləri edəcək
Apple şirkəti iPhone, iPad və Mac əməliyyat sistemləri üçün ən böyük dizayn yeniləmələrini həyata keçirməyə hazırlaşır.
Crossmedia.az xarici mediaya istinadən xəbər verir ki, iOS 19, iPadOS 19 və macOS 16 ilə birlikdə təqdim ediləcək bu yenilənmələr ikonaları, menyuları, tətbiqləri, pəncərələri və sistem düymələrini yeniləyəcək. Yenilənmənin əsas məqsədi naviqasiyanı və idarəetməni daha da sadələşdirməkdir.
Şirkət yeni dizaynı Apple VisionPro VR qulaqlığı üçün hazırlanmış visionOS əməliyyat sistemindən ilhamlanaraq qurub. Bu sistem dairəvi ikonalar və şəffaf panellərlə fərqlənir.
Əldə olunan məlumatlara görə Apple-ın proqram təminatı və UI dizayn komandalarının diqqət mərkəzində olan bu dəyişikliklər, şirkətin insan interfeysi dizaynı üzrə vitse-prezidenti Alan Dye tərəfindən idarə olunur.
Apple-ın iOS 19, iPadOS 19 və macOS 16-nı iyun ayında keçiriləcək Dünya Tərtibatçılar Konfransında (WWDC) təqdim edəcəyi gözlənilir.
17:45 17.03.2025
Oxunuş sayı: 810
