Mistral PDF-ləri AI üçün uyğun mətnə çevirən yeni API təqdim etdi
Fransanın süni intellekt sahəsində fəaliyyət göstərən Mistral şirkəti, PDF sənədləri ilə işləyən proqramçılar üçün yeni OCR API istifadəyə verdiyini elan edib.
Mistral OCR adlı bu API, optik simvol tanıma (OCR) texnologiyasından istifadə edərək istənilən PDF sənədini mətn faylına çevirir. Bu yenilik, AI modellərinin mətn məlumatlarını daha asan qəbul etməsinə kömək edəcək.
Crossmedia.az saytı xarici mediaya istinadən xəbər verir ki, digər OCR API-lərindən fərqli olaraq, Mistral OCR multimodal xüsusiyyətə malikdir. Bu, mətnin içində yerləşən illüstrasiya və şəkilləri aşkar edərək, onları çərçivəyə alır və mətnin tərkibində saxlayır.
Mistral OCR-in əsas üstünlüklərindən biri də çıxış məlumatlarını Markdown formatında təqdim etməsidir. Bu, proqramçılara mətnə linklər, başlıqlar və digər formatlama elementləri əlavə etməyə imkan verir. Beləliklə, yeni API təkcə sadə mətn çıxışı yaratmaqla kifayətlənmir, həm də AI sistemləri üçün daha istifadəyə yararlı məlumat strukturu təqdim edir.
Zeynəb Yunuszadə
03:27 08.03.2025
Oxunuş sayı: 11725
