Apple iPhone 17 Air-in dəqiq ölçüləri sızdırıldı
Apple-ın yeni modeli iPhone 17 Air haqqında sızdırılan məlumatlar cihazın ultra nazik dizayna sahib olacağını göstərir. Ice Universe mənbəyinin verdiyi məlumata görə, iPhone 17 Air-in qalınlığı cəmi 5.5 mm (dəqiq ölçü 5.501 mm) olacaq. Bu, indiyə qədərki ən nazik iPhone modellərindən biri kimi qiymətləndirilir.
Yeni model ölçü baxımından iPhone 17 Pro Max ilə eyni olacaq. 163 mm hündürlüyə və 77.6 mm enə malik olan cihaz, əsasən qalınlıq baxımından fərqlənəcək. iPhone 17 Pro Max modeli 8.725 mm qalınlıqda olacaq, bu isə Air versiyasına nisbətən xeyli qalındır.
Crossmedia.az saytı xarici mediaya istinadən xəbər verir ki, bununla yanaşı, 6.9 düymlük LTPO Super Retina ekranın dizaynında dəyişiklik edilməyəcəyi bildirilib. Kamera dizaynında isə yeniliklər gözlənilir. Renderlərə əsasən, Apple iPhone 17 seriyasında fərqli bir kamera dizaynına keçid edəcək. iPhone 17 Air-in yalnız bir arxa kameraya sahib olacağı ehtimal edilir.
Apple-ın rəsmi açıqlama vermədiyi bu məlumatların yaxın vaxtlarda təsdiqlənib-təsdiqlənməyəcəyi maraqla gözlənilir.
Zeynəb Yunuszadə
05:40 08.03.2025
Oxunuş sayı: 13123
