Samsung Galaxy Z Fold6 və Z Flip6 üçün yeni yeniləmə yayımlandı
Samsung, Galaxy Z Fold6 və Z Flip6 modelləri üçün yeni proqram təminatı yeniləməsi yayımladığını açıqlayıb. Koreya, Hindistan, Böyük Britaniya və ABŞ-dakı istifadəçilər bu yeniləməni əldə edirlər.
Crossmedia.az saytı xarici mediaya istinadən xəbər verir ki, istifadəçilər One UI 7 Beta versiyasını gözlədikləri halda, təqdim olunan yeniləmə sadəcə Mart ayı təhlükəsizlik paketi olub. F956NKSS2AYBD və F741NKSS2AYBD versiyalarını əhatə edən bu yeniləmə təxminən 440MB həcmindədir və 58 təhlükəsizlik boşluğunu aradan qaldırır.
Şirkət One UI 7 Beta versiyasının da tezliklə yayımlanacağını bildirib. İlk mərhələdə məhdud sayda ölkədə əlçatan olacaq bu yeniləmənin bütün uyğun cihazlara çatması bir neçə gün çəkə biləcəyi qeyd olunub.
Zeynəb Yunuszadə
17:35 06.03.2025
Oxunuş sayı: 11260
